يلا نروح الجنة ســــــــــــــــــــــــــــــــوا

فرصة لاجدع اعضاء ف احلى منتدى .... قضيت ايام حلوة اوى اوى .... فرحت بمواضيعهم وارائهم وتفاعلهم
وبدعى ربنا اننا زى ما اتجمعنا ف الدنيا نتجمع ف الجنة وعلشان كده عندى اقتراح صغير اتمنى انكم تشاركونى فيه زى ما اتعودت منكم
اننا ننزل كلنا سوا ونروح ملجا ونجيب
لعب وهدايا وحاجات حلوة للاطفال ونفرحهم
ومش شرط ننزل يوم اليتيم ممكن ننزل
بعدها او قبلها
وطبعا محدش يقدر يعمل كل حاجة لوحده علشان كده لازم نساعد بعض
ووطبعا الدعوة عامة لكل الناس
وهننزل كلنا سوا ونروح الملجا
ومستعدة لسماع اى تعديل او اقتراح
وبارك الله فيكم

ان شاء الله نتقابل كلنا يوم الجمعه 1/4 ان شاء الله

سعيدة يا نورا بمشركتك .... مكنتش متخيلة ان هيبقى فيه تفاعل .... وشدى حيلك وننزل نجيب الهدايا سوا ... واى حد عايز ينزل يقول وننزل كلنا سوا .... وحتى لو مقدرناش نروح يوم 1\4 ممكن نروح الاسبوع اللى بعده

ومرة تانيه ..... اف مليون شكر يا نورا يا قمر .... شجعتينى

بالتوفيق وفكرة ممتازة ورائعة

بسم الله الرحمن الرحيم
فكره رائعه ياسندس جزاكى الله خيرا انك نشرتى الموضوع بالمنتدى علشان نقدر نجمع أكبر عدد ممكن معانا ان شاء الله ويارب نقدر نستمر ونخلى يوم اليتيم لو حتى يوم كل اسبوع أو كل شهر وليس كل عام فقط
لازم نفتكرهم دايما موش يوم واحد فى السنه لأانهم حاسين بالضعف وعندهم حاجه كبيره قوى للحنان والعطف والحب اللى مفتقدينه ممكن تكون الهديه تعبير عن الاهتمام بس متكونش يوم واحد فى السنه

ياريت يوم 1/4 او اى يوم تانى هنختاره يكون بدايه للتعرف عليهم والتقرب منهم ونتصاحب عليهم ونحسسهم بحبنا واهتمامنا بيهم
أما بقى بالنسبه ليوم 1/4 ياسندس فا ممكن تعملى البرنامج بتاعه على اساس حفله بسيطه كدا تعملى مسابقات ما بينهم والهدايا واللعب تكون هى الجوايز علشان يحسو بالفرحه أكثر تلعبى معاهم العاب الطفوله ( فكرى فى الالعاب اللى بتحبيها ونظميها والعبيها معاهم بعدين ممكن تحضرى قصه حلوه كدا تجمعيهم حواليكى وتحكيها بروح مبتسمه
والاهم من ده كله ان كل ده يكون وانتى محسساهم انهم اغلى حاجه عندك النهارده وانهم ابطال اليوم ده

عن أبي الدرداء رضي الله عنه قال: أتى النبي صلى الله عليه وسلم رجل يشكو قسوة قلبه فقال صلى الله عليه وسلم ( أتحب أن يلين قلبك وتدرك حاجتك ؟ ارحم اليتيم وامسح رأسه وأطعمه من طعامك يلن قلبك وتدرك حاجتك )رواه الطبراني ورواه أيضا الإمام أحمد بسند قال الهيثمي تبعاً لشيخه الزين العراقي صحيح والحديث صححة الألباني وقال (صحيح)
كما قال ايضا رسولنا الكريم صلوات ربى وسلامه عليه (نَا وَكافِلُ اليَتِيْمِ فِي الجَنَّةِ هَكَذا، وَأَشَارَ بِالسَّبَّابَةِ وَالوُسْطَى وَفَرَّجَ بَيْنَهُما"صحيح البخاري مع الفتح / كتاب الأدب / باب فضل من يعول يتيماً : 10/450 ح(6005)

اسعدنى مرورك محمد .... بارك الله فيك

شكرا كتير يا زهرة .... بارك الله فيك .... واقتراح حلو اوى اوى .... بس انا شايفة لو روحنا بعد 1\4 هيكون افضل على اساس ان اول جمعة ف ابريل اكيد هيكون فى حد عندهم .... فانا اقترح اننا نروح الخميس اللى بعده .... يعنى هيبقى يوم فاضى عندهم

وكده رايى ومستعدة اسمع كل الاراء

حفلة الايتام ان شاء الله هتكون يوم الجمعه 1/4 الساعه 4.30 ان شاء الله كل الاعضاء يكونوا هناك

خلاص ياسندس حددى المعاد امتى وننزل مع بعض نشترى الهدايا ان شاء الله