اغبى حاجات ممكن تعملها فى اى امتحان شفوى

اغبى حاجات ممكن تعملها فى اى امتحان شفوى

ايه هى اغبى حركات ممكن تعملها فى امتحان شفوى ؟؟

اول ما تدخل و تقعد قدام الدكتور , حاول تبين انك مرعوب و خايف

لو دكتور اكسترنال و سألك سؤال غتت قول له الجزء ده ما اتشرحش

لو دكتور من الكلية قول له الجزء ده ما اتشرحش برضه او قول له اصلى ما فهمتش
حاجة من شرح الدكتور
(هنا الزيرو مضمون 100 %)

يا سلام لو تدخل للدكتور نايم او حاول تتاوب من وقت للتانى

لو الاجابة فيها اسامى ادوية او نباتات او حاجة مكلكعة باللاتينى او بالانجليزى حاول تهرب من الكلمة او انطقها و انت قافل بقك عشان الدكتور يعرف انك حمار انجليزى

لو مش عارف الاجابة اقعد فكر براحتك ربع ساعة و لو الدكتور استعجلك قول له : ثوانى

لو مش عارف الاجابة خالص : قوله معلش يا دكتور انا عارفها بس مش فاكر دلوقتى اصلى واقف من بدرى مستنى دورى و تعبت اوى و فيه ناس كتير دخلت قبلى بواسطة

لو معاك حد تانى فى اللجنة و هو بيتسأل اعمل نفسك مش واخد بالك .. بص ع اللمبات .. بص فى الساعة و انفخ

لو زميلك مش عارف الاجابة و الدكتور قالك : ها جاوب انت
قول له بابتسامة سخيفة : معلش السؤال تانى اصلى كنت سرحان شوية

لو ما فهمتش السؤال اسأل الدكتور هو قصده ايه بالظبط و خليه يعيد السؤال كذا مرة و يفهمهولك و بعدين فكر شوية و قوله لا مش مذاكر الجزء ده

لو الدكتور قالك عايز تتسأل فى انهى جزء و اخترت و بعدين سألك قوله معلش طب ممكن الجزء التانى لو سمحت

لو الدكتور قدامه ازازة ميه قول له لو سمحت ممكن اشرب اصلى عطشان اوى و الدنيا حر بره

لو الدكتور قدامه شاى او غدا اقعد بص فيه

لو الدكتور اتأخر على اللجنة اول ما تدخل اعمل نفسك تعبان و قرفان و قوله يا دكتور ده احنا قاعدين بره من بدرى اوى

طبعا للسلامة العامة محدش يكتر من الحركات دى يعنى هى واحدة او اتنين بالكتير هيقوموا بالواجب و الدكتور هيعرف انك حمار و مش عارف المنهج بيتكلم عن ايه اصلا
و هيظبطك طبعا

مع تمنياتنا بالتوفيق للجميع
[i]

معلش ياسندس ما اعتقدش انها حاجات غبية ولكنها طريقة للهروب ولكن احسن طريقة انك ما تدخليش من اصله
Laughing

بس اعتقد ان الاسم المناسب ليها هي طريقك المضمون لعكننة الدكتور والوصول بأمان للزيرو حتى لو كنت على دفعتك البريمو

بردو فكره جديدة يا ابوالعلا ان الواحد ميدخلش او يدخل ويقعد ساكت كان القطة اكلت لسانه

» ....من هي اغبى البنات ؟؟ونأسف لهذا العنوان !!!
» ممكن نتعرف ؟؟؟؟؟؟؟؟؟؟؟؟؟!!!!!!!!!!!!!!!!!!!!!!
» عضوه جديده ممكن نتعرف؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟
» ممكن تساعدوني جزاكم الله خيرا
» السلام عليكم فى عندى سؤال ممكن اجابة؟