أزاحت الستائر عن النافذة ليملأ النور الغرفة، ويقلق راحة تلك الصبية الجميلة.. النائمة واضعة رجلاً على رجل.. وعلى يمين السرير، بطانية ملقاة على الأرض.. وعلى يساره دبدوب أبيض منكفئ على وجهه.. وعلى أطراف السرير بنطلون جينز وقميص كانت ترتديهم بالأمس، نصف الملاءة يتدلى من الجانب والنصف الآخر مكرمش تحت خصرها..
كان الوضع برمته منتهى الفوضى.. وكأنها خاضت في أحلامها حرب طروادة..
كان نور الشمس يغطي نصف وجهها وأمها تنادي:
(سهى.. يا سهىىى.. اصحي بقى حرام عليكي.. مش كل يوم تدوخيني كده هتتأخري على الكلية..)
سهى بتمطع: (آآآآه.. حاضر حاضر قايمة أهو)
تكمل نومها حتى يأتي والدها ويحملها إلى الحمام.. ينزلها بغيظ أمام الحوض: (يلا يا سهى بلاش كسل)
وقفت الصبية أمام المرآة لخمس دقائق، تنظر بعين واحدة إلى العين الأخرى المغلقة.. تحاول أن تستوعب ما يحدث..
تخرج من الحمام بعد ثلث ساعة، وما تزال على وجهها علامات الاستنكار..
تفوتها كالعادة محاضرة الساعة 8، وتجلس على بلوك الكلية في انتظار ولاء وهشام ونشوى ورشا وتامر.. هي تعرفهم منذ سنة تقريبًا.. تحبهم جدًا.. وعرفت كيف تجعلهم يحبونها ويتعلقون بها رغم عيوبها الكثيرة إلى حد ما..
**************************
مرت أيام ليست بالكثيرة.. أعلن تامر وسهى خطبتهما وتزوجا بعدها بأشهر...[ندعوك للتسجيل في المنتدى أو التعريف بنفسك لمعاينة هذه الصورة] في يوم الزفاف**
سهى في كامل نورها في فستان العرس وتامر يجلس بجانبها على الكوشة، يأتي أحد الأطفال لتقبيل العروس..
تامر: مش ده ابن خالك؟؟
سهى: لا ده علاء جارنا.
تامر: يا بنتي مش جبتيه الكلية معاكي مرة وقلتي لنا إنه ابن خالك؟!
سهى: ما أنا كسّلت بقى لسه هشرح
* تامر تنح وضحك.[ندعوك للتسجيل في المنتدى أو التعريف بنفسك لمعاينة هذه الصورة]*اليوم الأول من الزواج**
تامر: صباح الفل يا حبيبتي.
سهى: مممممممم.. صباح النور يا حبيبي، ما تسيبني أنام شوية.
تامر: قومي بلاش كسل أنا حضرت لك الفطار بنفسي.
سهى: شكرًا يا حبيبي ربنا يخليك ليا.
وعادت للنوم.
* تامر تنح وسكت.[ندعوك للتسجيل في المنتدى أو التعريف بنفسك لمعاينة هذه الصورة] بعد أسبوع من الزواج **
تامر: سهىىىىىىىىىىى.. حرام عليكي مفيش ولا قميص نظيف في الدولاب.. مفيش ولا شراب ألبسه.. حرام علييييكييييييي!!
سهى: حاضر.. حاضر.. هودي القمصان حالاً لدراي كلين وأخليهم يجيبوها على طول.
تامر: والشرابات؟؟ هتوديها دراي كلين برده؟؟
سهى: يا تامر بقى خد أي شراب من بتوعي وخلاص..
* تامر تنح واتفقع.[ندعوك للتسجيل في المنتدى أو التعريف بنفسك لمعاينة هذه الصورة]بعد أسبوعين من الزواج**
تامر: سهىىىى.. تعالي يا حبيبتي عايز أوريكي حاجة.
سهى: خير يا حبيبي!!؟
تامر: إيه اللي تحت السرير ده؟؟
سهى: أص.. أص.. أصل
تامر: أصل إيه؟؟ بصي أنا لا متعصب ولا متنرفز.. بس بذمتك قشر الموز ده بيعمل إيه تحت السرير؟؟؟
سهى: ما أنا أصلي يا تمورة كنت بتفرج على المسلسل وكسلت أقوم أرمي القشر في الباسكت.. قلت أبقى أشيلهم كلهم مرة واحدة.. ونسيييت
* تامر تنح واتصدم.[ندعوك للتسجيل في المنتدى أو التعريف بنفسك لمعاينة هذه الصورة] بعد 3 أسابيع من الزواج**
البواب: إلحق يا أستاذ تامر.. بيتك إتحرق!
تامر يهرع مسرعًا إلى بيته.. يجد سهى تقف باكية أمام باب الشقة.. حولها عشرات الطبطبات وكلمات المواساة.. ترتدي بيجامة زرقاء وعلى شعرها كمية كبيرة من (الرولوه)
تامر: سهى.. إيه اللي حصل!!؟
سهى: عاااااااااااااااه.. أص أص أصل..
تامر: أصل إيه؟ اتكلمي.
سهى: أصلي كنت قاعدة بتفرج على الفيلم وحاطة صينية المكرونة بالبشاميل في الفرن عشان تتغدا بيها يا حبيبي.. أنا عارفة إنك بتحب البشاميل أوي.. و..
تامر: إنجزي يا سهى.
سهى: وبعدين أصلي نسيت الطاسة اللي كان فيها زيت في الفرن.. فا.. فا.. محستش غير والنار طالعة من المطبخ وهبت في وشي.. قمت جريت فتحت الباب وقعدت أصرخ.. عااااااااااااااااه..
تامر: طاسة!! زيت!! ومشمتيش أي ريحة شياط يا سهى؟؟
سهى: أصلي يا تمورة عندي برد.. عااااااااه.
تامر: يحرق تمورة علي جابو تمورة!!
[ندعوك للتسجيل في المنتدى أو التعريف بنفسك لمعاينة هذه الصورة]بعد شهر من الزواج **
تستيقظ سهى بتمطع معتاد.. تنزل قدميها ببطئ إلى الأرض بحثًا عن الشبشب.. ترتدي فردة من شبشبها والأخرى من شبشب تامر..
تذهب إلى الثلاجة قبل الحمام..
تجد ورقة بيضاء مثبتة بدقة على باب الثلاجة بمغناطيس الفراولة..
مكتوب عليها بخط عريض
(آسف.. لم أستطع التحمل)[ندعوك للتسجيل في المنتدى أو التعريف بنفسك لمعاينة هذه الصورة]تــــــــــــــــــــــــــــــــــــــــــــــــــــــــــــــــــــــــــــــــــــــــــــــــامر فك يا جدعان
[ندعوك للتسجيل في المنتدى أو التعريف بنفسك لمعاينة هذه الصورة]
الجمعة 08 أكتوبر 2010, 7:27 am
