مين بيحب الكشرى

موضوع: مين بيحب الكشرى الخميس 27 مايو 2010, 4:28 am

مكونات عدس اسمر بجبه

مكرونه صغيره ومكرونه اسباجتى

ارز وشعريه

بصل وتوم وخل وملح وفلفل وكمون وقرفه وشطه وصلصه طماطم

الاول هنسلق المكرونه كل صنف لوحده الاسباجتى لوحدها والتانيه لوحدها

وبعدين العدس ننقيه ونغسلها كويس ونحط عليه ميه وكمون ونسيبه يتسلق وبعدين نصفيه بس مترموش الميه بتاعته هنستخدمها

بعد كدا بقى نجيب البصل نقطعه رفيع ونحط عليه شويه دقيق صغيرين وشويه ملح
علشان يقرمش ونحط كميه زيت كبيره فى الحله ونحط البصل لحد ما يتحمر

ونكون مجهزين ورق نطلع عليه البصل بس على اد ما نقدر نحاول نفرده علىالورق
طبعا فيه ورق بنستعمله لما نطلع حاجه من الزيت علشان تمتص الزيت

نيجى بقى للزيت الى فضل فى الحله نصفيه كويس ونثمسه نصين جزء نحطه فى حله
ونحمر فيه الشعريه وبعدين نحط عليه الارز ونسقيه بالميه بتاعت العدس الى
صفيناها من العدس ونظبط الملح بتاعه ونسيبه يستوى

نيجى بقى للخطوه المهمه

بقيت الزيت نحطه فى حله تانيه ومعلقه توم وشويه بصل صغيرين من الى حمرنه
وبعدين نحط عليهم شويه خل وكمون وقرفه وجنزبيل ونسيبهم شويه وبعدين نحط
صلصه الطماطم ونسيبها تتسبك ونظبط طبعا الملح ونزود شويه ميه علشان متبقاش
تقيله اوى

نيجى بقى للشطه

هنحمر معلقه شطه فى شويه زيت ونحطه عليها خل ومعلقه صلصه وتبقى ايه الشطه نار بجد مش هزار

نعمل الدقه نحط شويه خل فى طبق وعليهم عصير لمون وشويه كمون

وعلشان نبقى زى المطاعم بالظبط هنجيب شويه حمص ونسلقهم ونحطهم على الوش

طبعا نحط المكرونه الاسباجتى وفوقها الارز وبعدين شويه مكرونه من الصغيره وبعدين العدس وبعدين البصل والصلصله وبالهنا والشفا

[ندعوك للتسجيل في المنتدى أو التعريف بنفسك لمعاينة هذه الصورة]

اسعدني مرورك يا ابو العلا

انا بحب الكشرى وابو العلا عارفه كده كويس

[ندعوك للتسجيل في المنتدى أو التعريف بنفسك لمعاينة هذه الصورة]

[ندعوك للتسجيل في المنتدى أو التعريف بنفسك لمعاينة هذه الصورة]

امته حناكل طيب

انت كده ع طول جعان يا بشمهندس

اسعدني مرورك

[ندعوك للتسجيل في المنتدى أو التعريف بنفسك لمعاينة هذه الصورة]