هل تقبل او تقبلى التنازل عن جنسيتك؟؟

بلادي وإن جارت علي عزيزة ... وأهلي وإن ظنّوا علي كرام

الوطن غالي جدا لمن يشعر بقيمته برغم كل المصاعب التي تواجهنا فيه
ومن يعيش بعيداً عنه مغترباً في بلدان العالم هو من يعرف قيمة ارض الوطن وترابه
والوطن عزيزاً لمن يصحو في الصباح الباكر ويذهب الى عمله وهو مفتخراً بذلك لانه يقدم شيئاً للوطن
اشياء كثيرة نراها في بلادنا ولا تعجبنا ونتمنى زوالها وهذا من دافع حبنا لاوطاننا
لكـــــــــن
كثيراجدا هذه الايام ظهرت مشكله عجيبه ونتشرت انتشار النار في الهشيم

الا وهي,,
الاقتران بالاجنبيه لاخذ الجنسيه
سؤالي هو؟؟؟
ما رايك \ك في هذا الموضوع؟

ولو عرض عليك تبديل جنسيتك على ان تعيش في نعيماً في دولة اخرى وتحقق كل احلامك وامنياتك
هل تتنازل عن جنسيتك ووطنيتك من أجل ذلك؟

ارجو الرد بكل صراحه

هل تقبل او تقبلى التنازل عن جنسيتك؟؟

لا مليون مرة
لانى بجد بحب مصر اوى اوى اوى
ولو اتشالت كلمة مصرية من بطاقتى
يبقا تتحط بدالها كلمة متوفية
ومفيش كلمة تاني غير دول
بحبك يا مصر وحاعمل اى
وع ف ابو العلا العيب مش ع مصر من ال بيحصللنا
العيب علينا اننا مش بنقول للحاكمينا لا بصوت عالى
بنقولها بصوت احنا نفسنا موسامعينه

موضوع جميل لينا بس انا عاوز نووول كلمتين بالصلاه عن النبى ونروح بصى يا ستى فى فرق بين الغريزه والجنسيه طاب حوضح بصى كل واحد ربنا خلقه فى اى مكان فى الهند والا السند والاحتى تورا بورا لما بينزل من بطن أمه ربنا يقذف فيه حب الوطن وحتى ان كان عابر بها اما الجنسيه يا سيت لينا فدى بتخديها حتى تكون لك حق على البلد التى انت بها كدخول الجيش والتطوع وعدم التجسس لمصلحه الغير وهكذا وانتى بالمقابل تأخذى ما لك .."زى واحدة بواحدة" اما حكايه المزايدة على الوطن ده بعيد عن حسباتى الا اذا كان فى حسبان آخرين لمصالح انت اعلم بيها .

ولو عن رايى انا اذهب اى بلد تقدر البنى آدمين وتحترمهم واعيش حياه كريمه خير من ان اقعد فى بلد بــ.......................

واقالوها من زمان بلدك فين يا جحا قال بلدى الى فيها اكل عيشى "بالزمه هنا فى اكل عيش مجرد سؤال"وحتروحى بعيد ليه قال المولى فى محكم آياته "الم تكن ارض الله واسعه............"صدق الله العظيم.

اولا السلام عليكم ورحمة الله وبركاته
ثانيا بالنسبة لحضرتك سونى
انا الكلام ال كتباه من رائ هو الصح
انا معاك فعلا ف حكاية الرزق واكل العيش
وع الرحب والسعة انى اسافار اى دولة اكسب منها رزقى
بس ده ميكونش ع حساب جنسيتى
يعنى ف ناس كتير باحترمها اوى وبقدرها ع الخير ال عملتوا لينا
بس للاسف احترامهم بيقل لانهم باعوا بلدهم بالفلوس
واكيد ف امثال كتير لكدا
ومشكور/ة ع التعقيب

السلام عليكى لينا أنا تشرفت بردك يس انا عاوز أمثال علشان أفهم ولو مثل واحد حتى نتبادل الحوار اصل انا اعشق المنطق وبعدين قال الامام الشافعى رضى الله عنه وارضاه ونفحنا الله ببركته "رأى خطأيحتمل الصواب ورأى الناس صواب ويحتمل الخطأ"وشكرا ع تعقيب.

"س و ن ى"

اوكى
عندك مثلا د/احمد زويل شوف المجد والعز ال هوا فيه
وانا فعلا بافتخر بيه انه مصرى
بس للاسف بعد ما افرح وافتخر
ارجع اقول لنفسى
الشخص دا اشترتوه امريكا بالفلوس
وهوا وافق رغم ذكائه
وبقى اسمه احمد زويل المصرى الامريكى
يعنى كلنا بنحلم اننا نبقا زى زويل ف المجد والشرف
بس مش زيه ف الجنسية
وانا من الاخر حاعيش واموت مصرية
اما السعى ورا الرزق فانا باقولك ده حاجة تانى
ومنتظرة ردك

السلام عليكى لينا بص يا سيتى حوارك شيق بس حنخدوه الموضوع واحدة واحدة دون تغيير المشاعر او اننى مع دة او ضد فلان اوكيه يا سيتى ...... احمد زويل مع الأحترام للالقاب هوببساطه مصرى زيك او زى ولكن شخص طموح بلبلدى دماغه مش هيقرها نحنا خلص الدراسه وحب يستكمل مشواره كأى شخص أعطاه الله الحب للعلم والتنقيب عليه .....راح للاعلى منه علشان يبدع بصراحه ملقيش القماشه الحلوة معامل لاسف لا ترقى ان تكون "............" وعقليات تصيبك بالاحباط ومرتبات لا تجعلكى تفكرى فى البحث العلمى وتتفرغى له واشياء آخرى "وزى مابيقولوا وما خفيا كان أعظم" فالراجل ودى ورقه لناس تقدره وتحترمهدى ببساطه ...ومرت الحكايه وبعلمه واجتهاده جنى ما فعله"يعنى بيده لا بيد عمرو" وجيين دلوقت تقولوا عليه ان هو مش وطنى ......والله حرام .

بس يا لينا ساعات الأم تزعل من ولدها بس شوفتى أم تطرده

دىهم قالوها من اقبل ما تتولدى فى المثل يقولك ايه "انا أدعى على أبنى وأكره الى يقول آمين .

وبعدين تعالى براحه الراجل ما عدهوش العيب دى يا سيتى بيساعد البلدان العالم ومتقولليش ان هوه محولش ميسعدناش بس الحكومه عاملة ودن من طين وآخره من عجين . اذا العيب فى مين !

أقولك حكمى عقلك دون هواكى وزنى الأمـور بعيد عن آراء الأخرين وعاوزك تقولى لكم آراء ولى أراء دون تجريح الآخرين .

وتشكرى ع تعقيب لينا والسلام أحلى ختام

انا فهمت وجهة نظرك سونى
بس يمكن انا عشان وطنية او سياسية زيادة عن اللزوم قولت كدا
واحمد شوقى ماثر فيا اوى
ومشكورة ع النقاش

شكرا ليكم وانا فرحانة بهذه المناقشة الجميلة وانا بحترم ارائكم واتمنى من باقي الاعضاء انهم يشاركونا برايهم
واما شايفة ان مش معنى ان الانسان اللي بيتنازل عن جنسيته بيكره بلده ولكن ممكن الظروف تكون اجبرته زي احمد زويل لان في مشكلة للي عايش بره اسميها الاقامة فبيضر سعتها انه يغير جنسيته
[ندعوك للتسجيل في المنتدى أو التعريف بنفسك لمعاينة هذه الصورة]