حلوة يابلدىىىىىىىىىىىىىىىىىىىىىىىىىىىىىىىىىىى

يقال إن87%من الشعب المصري ساخطون على الحكومة المصرية ... ما تعليقك ؟
ــ ال 13% الباقيين معاهم جنسيات أخرى ..
تقرير :45% من الشعب المصرى مصابون بمرض السكر ما تعليقك ؟
ــ آدى اللى خدناه من" الحلوانى " اللى بنى مصر .
ما أهم مظاهر الفهلوة عند المصريين ؟
ــ انهم يشكون فى الشحات ولا يشكون فى النصاب .
بعد اضطهاد النادى الأهلى الواضح لنادى الزمالك .... ماذا تتوقع لجماهير الأخير ؟
ــ أتوقع أن نقرأ قريبا أخبارا عن زملكاوية المهجر .
ليه الحزب الوطنى بيعمل اعلانات لنفسه مع ان البلد كلها بتاعته ؟
ــ زى ما شبكة الأوربت بتعمل اعلانات لنفسها على شاشة الأوربت ..
ما الفرق الأهم بين مصر وأمريكا ؟
ــ ان عائد السياحة من الهرم المزيف الموجود فى لاس فيجاس
أضعاف عائد السياحة من كل أهرامنا الحقيقية .
ما أهم قاعدة موجودة فى مصر ؟
ــ ان مفيش قاعدة لأى حاجة

ما وجه الشبه بين السد العالى وقانون الطوارىء ؟
ــ الأثنان مصدر " للكهرباء!!!" .

لماذا يطلق المصريون على زوجاتهم لقب " الحكومة "؟
ــ لصعوبة تغييرها مهما تسببت فى كوارث .
أين يمكنك أن تلاحظ سوء نية المصريين ؟
ــ عندما يغنون للطفل البرىء قائلين .... يارب يا ربنا " تكبر وتبقى زينا" .
ليه أكتر ناس بياخدوا مواقف معارضة جريئة هم الناس بتوع الغزل والنسيج ؟
ــ لأنهم طلعوا من هدومهم.
امتى بتحس ان البلد حلوة ؟
ــ ما باحسش ان بلدنا حلوة غير لما داليدا تقول :
" حلوة يا بلدى "(بغض النظر انها قالتها وانتحرت)
امتى هناكل جوافة من انتاج مزارع توشكى ؟
ــ في المشمش !
هل لك أقارب استشهدوا فى الحرب ؟
ــ لأ عندى أقارب استشهدوا فى السلام ...... " السلام 98" .
60 % من الرجال المصريين يشخرون وهم نائمون ...... ما تعليقك ؟
ــ لأن 40 % بيشخُرووا وهما صاحيين .
ما تعليقك على أن المصريين لا يتحدون الا لما يكون المنتخب بيلعب ؟
ــ الاستاد هو الحل !
ما الدليل على أن مصر بلد الامان ؟
ــ الدليل ان الواحد بيتردد كتير قبل ما يدخل أى قسم شرطة .
بماذا ستجيب كمصرى عند سؤالك عن عمرك فيما أفنيته بعد عمر طويل ؟
ــ أفنيته فى اشارة قصر النيل مستنيها تفتح ، وفى صلاح سالم مستنيه يتحرك، وعلى كوبرى أكتوبر مستنى لما رئيس الوزراء يروح .
من هم المستفيدون من الزحام الذي يسيطر على شوارع القاهرة؟
ــ شركات المحمول ، كله واقف فى الاشارة ماسك الموبايل ، بيخلص شغل أو يعتذر عن التأخير ، فالإدارة العامة للمرور " مخالفات استخدام المحمول أثناء القيادة ".
ثم الشركة الشرقية للدخان حيث يتزايد معدل الحرق على سبيل " التنفيث " .
فالهيئة العامة للبترول حيث يتزايد حرق البنزين على الفاضى أثناء الوقوف وبالتالي يصبح المستفيد الخامس هم أطباء الأمراض الصدرية . ليه بيقدموا الساعة ساعة عندنا فى الصيف ؟
ــ علشان دي الحاجة الوحيدة اللي أصبح ممكن نتقدم فيها .

--

موضوع جميل م/ منة

لزيز وبيضحك

رائع جدا

ما تعليقك علي ان مصر اول حضارة في التاريخ وبعدها بالف سنة بدات الحضارات الاخري

اصل الفراعنة كانوا ممخمخين ومزاجهم عالىىىىىىىىىىىىىىىىىىىىىىى

وميرسى ياخوانا على التعليقات الحلوة دى