منتديات كلية الزراعة بقنا
مرحبا بك عزيزي الزائر في منتديات كلية الزراعة بقنا نتمنى الإنضمام والتسجيل معنا بالمنتدي لتفيدنا بما لديك من علم وشكرا لزيارتك
منتديات كلية الزراعة بقنا
مرحبا بك عزيزي الزائر في منتديات كلية الزراعة بقنا نتمنى الإنضمام والتسجيل معنا بالمنتدي لتفيدنا بما لديك من علم وشكرا لزيارتك
منتديات كلية الزراعة بقنا
هل تريد التفاعل مع هذه المساهمة؟ كل ما عليك هو إنشاء حساب جديد ببضع خطوات أو تسجيل الدخول للمتابعة.

منتديات كلية الزراعة بقنا

منتديات للتواصل بين الطلاب و الخريجيين وأعضاء هيئة التدريس بالكلية
 
الرئيسيةأحدث الصورالتسجيلدخول

 

 رباعيات صلاح جاهين \"الفيلسوف الشاعر\"

اذهب الى الأسفل 
5 مشترك
كاتب الموضوعرسالة
م/محمود فكتور
مشرف قسم المحاصيل
مشرف قسم المحاصيل
م/محمود فكتور


عدد المساهمات : 30
تاريخ التسجيل : 11/05/2010
العمر : 38

رباعيات صلاح جاهين \"الفيلسوف الشاعر\" Empty
مُساهمةموضوع: رباعيات صلاح جاهين "الفيلسوف الشاعر"   رباعيات صلاح جاهين \"الفيلسوف الشاعر\" Emptyالأحد 23 مايو 2010, 5:18 am

رباعيات [ندعوك للتسجيل في المنتدى أو التعريف بنفسك لمعاينة هذا الرابط]كاملة



خرج ابن آدم من العدم قلت : ياه
رجع ابن آدم للعدم قلت : ياه
تراب بيحيا ... وحي بيصير تراب
الأصل هو الموت و الا الحياه ؟


عجبي !!!
.....................


ضريح رخام فيه السعيد اندفن
و حفره فيها الشريد من غير كفن
مريت عليهم .. قلت يا للعجب
لاتنين ريحتهم لها نفس العفن
عجبي !!!

.......................



ياما صادفت صحاب و ما صاحبتهمش
و كاسات خمور و شراب و ما شربتهمش
أندم علي الفرص اللي انا سبتهم
و الا علي الفرص اللي ما سبتهمش
عجبي !!

....................



و الكون ده كيف موجود من غير حدود
و فيه عقارب ليه و تعابين ودود
عالم مجرب فات و قال سلامات
ده ياما فيه سؤالات من غير ردود
عجبي !!!

.....................



أنا شاب لكن عمري ألف عام
وحيد لكن بين ضلوعي زحام
خايف و لكن خوفي مني أنا
أخرس و لكن قلبي مليان كلام
عجبي !!!!

..................



يا باب يا مقفول ... إمتى الدخول
صبرت ياما و اللي يصبر ينول
دقيت سنين ... و الرد يرجع لي : مين ؟
لو كنت عارف مين أنا كنت أقول
عجبي !!!

.......................



أحب أعيش ولو في الغابات
أصحي كما ولدتني أمي و ابات
طائر .. حوان.. حشرة .. بشر ..بس أعيش
محلا الحياة.. حتي في هيئة نبات
عجبي !!

......................



كان فيه زمان سحليه طول فرسخين
كهفين عيونها و خشمها بربخين
ماتت لكين الرعب لم عمره مات
مع إنه فات بدل التاريخ تاريخين
عجبي !!

......................



عجبتني كلمة من كلام الورق
النور شرق من بين حروفها و برق
حبيت أشيلها ف قلبي .. قالت حرام
ده أنا كل قلب دخلت فيه اتحرق
عجبي !!!

......................



رقبه قزازة و قلبي فيها انحشر
شربت كاس و اتنين و خامس عشر
صاحبت ناس م الخمرة تصبح وحوش
و صاحبت ناس م الخمرة تصبح بشر
عجبي !!!!

........................



سهير ليالي و ياما لفيت و طفت
و ف ليه راجع في الضلام قمت شفت
الخوف ... كأنه كلب سد الطريق
و كنت عاوز أقتله .. بس خفت
عجبي !!

.....................



ورا كل شباك ألف عين مفتوحين
و انا وانتي ماشيين يا غرامي الحزين
لو التصقنا نموت بضربة حجر
و لو افترقنا نموت متحسرين
عجبي !!!

.....................



نوح راح لحاله والطوفان استمر
مركبنا تايهه ولسه مش لاقيه بر
اه م الطوفان واهين عليك يا بر
ازاي تقدر تبان والدنيا غرقانه شر
عجبي !!

....................



علي رجلي دم .. نظرت له ما احتملت
علي إيدي دم.. سألت ليه ؟ لم وصلت
علي كتفي دم.. و حتي علي رأسي دم
أنا كلي دم .. قتلت ؟ ..... والا اتقتلت
عجبي !!

....................



انا كل يوم أسمع ........ فلان عذبوه
أسرح في بغداد و الجزاير واتوه
ما أعجبش م اللي يطيق بجسمه العذاب
و اعجب من اللي يطيق يعذب أخوه
عجبي !!!

....................



ينبوع و في الحواديت أنا سمعت عنه
إنه عجيب .. و ف وسط لهاليب لكنه
شقيت كما الفرسان طريقي .. لقيت
حتي الخنازير و الكلاب شربوا منه
عجبي !!!!

.........................



يا قرص شمس ما لهش قبة سما
يا ورد من غير أرض شب و نما
يا أي معني جميل سمعنا عليه
الخلق ليه عايشين حياه مؤلمة
عجبي !!!

......................



شاف الطبيب جرحي وصف له الأمل
وعطاني منه مقام يا دوب ما اندمل
مجروح جديد يا طبيب و جرحي لهيب
ودواك فرغ مني .... و إيه العمل
عجبي !!!

.......................



أعرف عيون هي الجمال و الحسن
و اعرف عيون تاخد القلوب بالحضن
و عيون مخيفة و قاسية وعيون كتير
وباحس فيهم كلهم بالحزن
عجبي !!

.......................



إيش تطلبي يا نفس فوق كل ده
حظك بيضحك و انتي متنكده
ردت قالت لي النفس : قول للبشر
ما يبصوليش بعيون حزينة كده
عجبي !!

......................



إقلع غماك يا تور وارفض تلف
إكسر تروس الساقية و اشتم وتف
قال : بس خطوة كمان .. وخطوة كمان
يا اوصل نهاية السكة يا البير تجف
عجبي !!!

........................



يا حزين يا قمقم تحت بحر الضياع
حزين أنا زيك و إيه مستطاع
الحزن ما بقالهوش جلال يا جدع
الحزن زي البرد ... زي الصداع
عجبي !!!!

........................



الفيلسوف قاعد يفكر سيبوه
لا تعملوه سلطان و لا تصلبوه
ما تعرفوش إن الفلاسفه يا هوه
اللي يقولوه بيرجعوا يكدبوه
عجبي !!!

.....................



على بعد مليون ميل من أرضنا
من الفراغ الكوني بصيت أنا
لا شفت فرق بين جبال و بحور
و لا شفت فرق ما بين عذاب أو هنا
عجبي !!

......................



إنسان أيا إنسان ما أجهلك
ما أتفهك في الكون و ما أضألك
شمس وقمر و سدوم و ملايين نجوم
و فاكرها يا موهوم مخلوقه لك
عجبي !!

.....................



نظرت فوق للنجوم و انا ساير
رجليا عترت في الحفر و الحجاير
بقيت أقول و انا ع التراب: يا سلام
مش بس عبره أخذت لكن عباير
عجبي !!!

......................



يا نجم .. نورك ليه كده بيرتجف ؟
هو انت قنديل زيت ؟ أو تختلف
أنا نجم عالي .. بس عالي قوي
و كل ما انظر تحت اخاف انحدف
عجبي !!!!
.....................


في يوم صحيت شاعر براحة و صفا
الهم زال و الحزن راح و اختفي
خدني العجب و سألت روحي سؤال
أنا مت ؟ و لا وصلت للفلسفة
عجبي !!!

.......................



السم لو كان في الدوا منين يضر ؟
و الموت لو عدونا .. منين يسر؟
حط القلم في الحبر و اكتب كمان
.. و العبد للشهوات .. منين هو حر؟
عجبي !!!

......................



وقفت بين شطين على قنطرة
الكدب فين و الصدق فيـــــــــــن يا تري
محتار ح اموت .. الحوت خرج لي وقالي
هو الكلام يتقاس بالمسطرة


عجبي !!!
...........................


سرداب في مستشفي الولاده طويل
صرخات عذاب ورا كل باب وعويل
.. وفي الطــــــريق متزوقين البنات
متزوقين للحب و المواويل


عجبي !!
..........................


الدنيا أوده كـبيره للانتظار
فيها ابن أدم زيه زي الحـــــــمار
الهم واحد .. و الملل مشــــــترك
و مفيش حمار بيحاول الانتحار


عجبي !!
........................


أيوب رماه البين بكل العـــــــــلل
سبع سنين مرضان وعنده شلل
الصــــبر طيب .. صبر أيوب شفاه
بس الأكـــــــــاده مات بفعل الملل
عجبي !!!

..........................



نسمة ربيع لكن بتكوي الوشــوش
طيور جميلة بس من غير عشـــوش
قلوب بتخفق إنما وحـدها
هي الحياه كده .. كلها في الفاشوش


عجبي !!!!
..........................


يا طير يا عالي في السـما طظ فيك
ما تفتكرشي ربنا مصطفيك
برضك بتاكل دود و للطين تعًودً
تمص فيه يا حلو .. و يمص فيك


عجبي !!!
..........................


كروان جريح مضروب شعاع م القمر
سقط من السموات فؤاده انكســـــــــر
جريت عليه قطه علشان تبلعـــــــــــه
أتاريه خيال شعراء و مالهـــــوش أثر
عجبي !!!

.........................



ياللي نصحت الناس بشـرب النبيت
مع بنت حلوه .. وعود , وضحك , وحديت
مش كنت تنصحهم منين يكسـبوا
تمن ده كله ؟ ... و الا يمكن نسـيت


عجبي !!
...........................


ما حد في الدنيا واخد جزاتـه
و لا حـد بيفكر في غير لذاذاته
ما تعرفيش يا حبيبتي .. أنا و انتي مين؟
إنتي عروس النيل ... و أنا النيل بذاته


عجبي !!
..........................


رقاصه خرسا و رقصه من غير نغــم
دنيا . . يا مين يصالحها قبل النـــــدم
ساعتين تهز بوجهها يعنـي
يترجرجوا نهديها يعني نعم


عجبي !!!
..........................


إخطفني ياللي تحبني ع الحصان
الدنيا قالت يوم في ماضي الزمان
إخطفني ياللي تحبني ع الـــــفرس
الدنيا قالت .. قام خطفها الشيطان
عجبي !!!!
الرجوع الى أعلى الصفحة اذهب الى الأسفل
ابو العلا
عضو مميز
عضو مميز
ابو العلا


عدد المساهمات : 545
تاريخ التسجيل : 15/04/2010

رباعيات صلاح جاهين \"الفيلسوف الشاعر\" Empty
مُساهمةموضوع: رد: رباعيات صلاح جاهين \"الفيلسوف الشاعر\"   رباعيات صلاح جاهين \"الفيلسوف الشاعر\" Emptyالأحد 23 مايو 2010, 5:25 am

أنا شاب لكن عمري ألف عام
وحيد لكن بين ضلوعي زحام
خايف و لكن خوفي مني أنا
أخرس و لكن قلبي مليان كلام
عجبي !!!!
شكرا لك على الموضوع الجميل
الرجوع الى أعلى الصفحة اذهب الى الأسفل
zahraa
المشرف العام
المشرف العام
zahraa


عدد المساهمات : 1591
تاريخ التسجيل : 19/11/2009
الموقع : http://www.tvquran.com

رباعيات صلاح جاهين \"الفيلسوف الشاعر\" Empty
مُساهمةموضوع: رد: رباعيات صلاح جاهين \"الفيلسوف الشاعر\"   رباعيات صلاح جاهين \"الفيلسوف الشاعر\" Emptyالأحد 23 مايو 2010, 3:39 pm

كروان جريح مضروب شعاع م القمر
سقط
من السموات فؤاده انكســـــــــر

جريت
عليه قطه علشان تبلعـــــــــــه

أتاريه
خيال شعراء و مالهـــــوش أثر

نسمة ربيع لكن بتكوي الوشــوش
طيور
جميلة بس من غير عشـــوش

قلوب بتخفق إنما وحـدها
هي
الحياه كده .. كلها في الفاشوش


[ندعوك للتسجيل في المنتدى أو التعريف بنفسك لمعاينة هذه الصورة]
الرجوع الى أعلى الصفحة اذهب الى الأسفل
http://www.3refe.com/vb/index.php
Queen.Aswan
مشرف منتدي عالم حواء
مشرف منتدي عالم حواء
Queen.Aswan


عدد المساهمات : 477
تاريخ التسجيل : 01/03/2010
العمر : 42

رباعيات صلاح جاهين \"الفيلسوف الشاعر\" Empty
مُساهمةموضوع: رد: رباعيات صلاح جاهين \"الفيلسوف الشاعر\"   رباعيات صلاح جاهين \"الفيلسوف الشاعر\" Emptyالأحد 23 مايو 2010, 6:18 pm

جالك أوان ووقفت موقف وجـــود
يا تجود بده يا قلبي يا بده تجــــود
ما حد يقدر يبقي علي كل شـــــــئ
مع إن – عجبي – كل شئ موجود
عجبي !!!


إنشـد يـا قلبـي غنــوتك للجـمـال
وارقص في صـدري من اليمين للشـمال
مـا هـوش بعيـد تفضـل لبكره سـعيد
ده كـل يـوم فيـه ألف ألف احتمـال
عـجبي !!



أوصـيك يا إبنـي بالقمــروالزهـور
أوصـيلك بـليل القاهـرة المســحور
وإن جـيت في بالك.. إشـتري عقـد فل
لأي سـمرا.. وقبـري إوعـك تـزور
عـجبي


رااااااااااااااائع [ندعوك للتسجيل في المنتدى أو التعريف بنفسك لمعاينة هذا الرابط]


عدل سابقا من قبل Queen.Aswan في الأحد 23 مايو 2010, 6:20 pm عدل 1 مرات (السبب : خطاء)
الرجوع الى أعلى الصفحة اذهب الى الأسفل
محمد النحاس
مدير المنتدي
مدير المنتدي
محمد النحاس


عدد المساهمات : 1701
تاريخ التسجيل : 16/09/2009
العمر : 35

رباعيات صلاح جاهين \"الفيلسوف الشاعر\" Empty
مُساهمةموضوع: رد: رباعيات صلاح جاهين \"الفيلسوف الشاعر\"   رباعيات صلاح جاهين \"الفيلسوف الشاعر\" Emptyالأحد 23 مايو 2010, 6:44 pm

جميل يامحمود باشا وعجبي
الرجوع الى أعلى الصفحة اذهب الى الأسفل
 
رباعيات صلاح جاهين \"الفيلسوف الشاعر\"
الرجوع الى أعلى الصفحة 
صفحة 1 من اصل 1
 مواضيع مماثلة
-
» من رباعيات صلاح جاهين
» من رباعيات صلاح جاهين2
» رباعيااااااااااااااااااااااات جاهين
» عيد ميلاد سعيد لهبه صلاح
» اخر اشعار الشاعر فؤاد نجم

صلاحيات هذا المنتدى:لاتستطيع الرد على المواضيع في هذا المنتدى
منتديات كلية الزراعة بقنا  :: المنتدي العام-
انتقل الى: