عدد المساهمات : 660 تاريخ التسجيل : 18/09/2009 العمر : 33
موضوع: فى العالم العربى تعيش ... د.تميم البرغوثى الجمعة 21 مايو 2010, 6:33 am
فى العالم العربى تعيش ... د.تميم البرغوثى
في العالم العربي، تعيش، كما قط ساكن تحت عربية عينيه ما تشوف م الدنيا دي حاجة إلا الجِـزَم في العالم العربي تعيش، كما بهلوان السيرك تحتك بهلوان دايس عليه وفوق دماغك بهلوان دايس عليك والكل واقف محترم
في العالم العربي تعيش، مباراة بقالها ألف عام لعّيبة تجري يمين شمال والكورة طول الوقت في إدين الحكم في العالم العربي تقول للبنت حبيتك تناولك بالأَلَم
في العالم العربي تعيش، تشتم في طعم المية و الطعمية والقهوة ورُوَّادها وفي مراتك وأولادها وحر وزحمة الأوتوبيس وفي اللي بيعمله ابليس وفي التفليس ولو سألوك تقول الحمد لله ربنا يديمها نعَم
في العالم العربي تعيش، كما دمعة في عيون الكريم المحنة تطردها يرجّعها الكَرَم في العالم العربي تعيش، تلميذ في حوش المدرسة من غير فطار عينه على الشارع وبيحيي العَلَم
في العالم العربي تعيش، بتبص في الساعة وخايف نشرة الأخبار تفوت علشان تشوف ع الشاشة ناس، في العالم العربي، تموت
الجمعة 21 مايو 2010, 6:33 am
