انا هبدأ المناقشه معاكى ياسندس هاقول رأى الخاص بالبنات
_ ماسبب مضايقة الشاب للبنات في الاسواق ؟؟طبعا عدم احترام هذا الشاب وسوء خلقه وانا عارفه ان كتير هيرد عليا ويقولى البنت بلبسها واسلوبها هى بتخلى الشباب يقومون بمضايقتها وان هرد وهاقول ان الانسان المحترم اللى عنده اخلاق لايقوم بذلك ورد اخر انا كتير بشاهد اخوات محترمات فى لبسهم وبيتعرضوا لمضايقات من الشباب
هل تعقديين ان الشباب هو من يبداء في معاكسة البنت ؟؟ يعنى البنت هى اللى هتعاكس الولد فطبعا الشباب من يبدأ
_ ماسبب عدم احتشام البنات اثناء خروجهم؟؟ السؤال ده ليه اسباب كتير وممكن يتعمل منه ابحاث ؛احيانا بيكون السبب فى طريقه التربيه نفسها واسلوب حياتها ممكن تكون فاكره ان اللى هى لابساه ده صح وعادى وشيفاه محتشم كمان لانها اتربت على كده ومحدش من والديها قالها ان ده خطأ بل بالعكس انا اعرف اباء اول ما بناتهم بس فكرو يلبسو طرح طويله حسسوهم انهم هيعملوا جريمه وده حصل فعلا وهاقولك حقيقه فعلا انا رايتها كان لى زميله بكليه اخرى لا ترتدى الحجاب وفى نقاش معها عرفت ان والدها بيرفض الحجاب وان اختها الاكبر منها لما اتحجبت عملت مشاكل مع والدها وان والدتها غير محجبه (ملحوظه البنت دى صعيديه ومن قريه كمان)
حاجه اخيره هاقولها لكى خصوصا فى مجتمعنا الصعيدى ما اظنش ان البنت تخرج بحاجه اهلها فى البيت موش راضيين عنها
_هل تعقدين ان التفتح هو سبب ظهور هذه الفتن مثل الكليبات والفضائيات الهابطة ؟؟طبعا اعتقد ذلك لان دى حاجه انتى بتشوفيها دايما يعنى العين ألفت هذه المناظر فالبتالى هيكون شىء عادى ومقبول
_ هل تتدخل اسرتك في انتقاء ملابسك ؟؟ عن نفسى لاء بصراحه
_ أتعتقدين ان ملابس البنت تفرض احترامها عند الخروج من بيتك ؟؟ يعنى موش قوى (لبس البنت حاجه من الحاجات الكتير التى تدل على احترامها)
_ مامدى تاثير اصدقائك على طباعك وشخصيتك؟؟ قال رسولنا الكريم عليه وعلى اله افضل الصلاه واتم التسليم
المرء على دين خليله فلينظر احدكم من يخالل
وهذه اجابتى
[ندعوك للتسجيل في المنتدى أو التعريف بنفسك لمعاينة هذه الصورة]
الخميس 22 أبريل 2010, 6:12 pm
